Chwaraewyr cynghrair domestig Cymru yn mynd am y triphwynt wrth i Gymdeithas Bêl-droed Cymru gyflwyno pwynt bonws am hatric

Bydd y penderfyniad yn golygu mai Cymru fydd y wlad gyntaf yn y byd i gyflwyno pwynt bonws ar gyfer hatric yn ei gemau yng Nghynghreiriau JD Cymru ac Adran Genero, waeth beth yw'r sgôr terfynol. irrespective of the final score.

Mae Cymdeithas Bêl-droed Cymru wedi cyhoeddi y bydd pwynt bonws yn cael ei ddyfarnu yn awtomatig o ddechrau tymor 2023/24 am bob hatric sydd yn cael ei sgorio yn ystod unrhyw gemau Cynghreiriau JD Cymru a Chynghreiriau Genero Adran, mewn ymgais i wneud pob eiliad i gyfrif.

Ar hyn o bryd, mae Cymdeithas Bêl-droed Cymru yn dyfarnu tri phwynt am fuddugoliaeth ac un am gêm gyfartal, a bydd y dyfarniad sgorio ychwanegol hwn yn ychwanegu dimensiwn arall i gemau cynghrair deinamig.

Mae hatric yn cael ei ystyried gan bawb fel un o'r anrhydeddau mwyaf i chwaraewr, ac mae cefnogwyr eisoes wedi gweld cyfanswm o 58 o hatrics ar draws Cynghreiriau JD Cymru a Chynghreiriau Adran Genero y tymor hwn.

Mae tarddiad yr hatric yn dal i fod yn destun anghydfod - mae un ddamcaniaeth yn awgrymu bod y syniad yn dod yn wreiddiol o'r byd criced, ac a gyflwynwyd yn yr 16^fed eg ganrif ar gyfer bowliwr sy'n curo tri batiwr, un ar ôl y llall â'r un bêl - ac sy’n derbyn het newydd fel ei wobr.

Dywedodd Oli Farslop, Cadeirydd Bwrdd y Cynghreiriau Cenedlaethol: "Mae hatric wir yn ychwanegu cyffro i unrhyw gêm, a bydd pwynt bonws yn sicrhau bod pob eiliad yn cyfrif. Rydyn ni'n gwybod bod cefnogwyr eisiau gweld goliau, ac rydym yn hyderus y bydd y pwynt ychwanegol yn helpu i gynyddu nifer y goliau sydd yn cael eu sgorio fesul gêm.

"Mae pwyntiau bonws eisoes wedi cael eu cyflwyno'n llwyddiannus mewn mannau eraill, gan gynnwys rygbi a Fformiwla Un. Mae gwneud newidiadau i'r cynghreiriau fel hyn yn dangos ymrwymiad Cymdeithas Bêl-droed Cymru i arloesi ac mewn darparu cynnyrch i wneud Cymru'n falch.

Mae'r newid eisoes wedi cael cefnogaeth gan Bartneriaid Cymunedol, Gwasanaeth Gwaed Cymru. Wrth sôn am y cyhoeddiad hwn, dywedodd Cyfarwyddwr Gwasanaeth Gwaed Cymru, Alan Prosser: "Rydyn ni'n gwbl gefnogol i Gymdeithas Bêl-droed Cymru, gan y bydd hyn yn gwneud gêm hyd yn oed yn fwy cyffrous i wylwyr a chefnogwyr, sydd hefyd wedi cefnogi ein hymgyrch ni.

"Rydym yn gobeithio y bydd y newid hwn yn parhau i daflu’r goleuni ar ein gwaith gyda Chymdeithas Bêl-droed Cymru, ac rydym yn ddiolchgar iawn i'r chwaraewyr a'r cefnogwyr ar draws y cynghreiriau sy'n parhau i'n cefnogi ochr yn ochr â'u clybiau. Mae ein hymgyrch genedlaethol Gwaed, Chwys ac Iechyd Da yn parhau i fod yn llwyddiant ysgubol, ac mae o bosibl wedi achub bywydau dros 2,500 o gleifion mewn angen ar draws Cymru. Mae'r bartneriaeth yn dangos yr effaith hynod gadarnhaol y gall pêl-droed ei chael ar y gymuned ehangach."

Mae clybiau ar draws Cymru wedi bod yn annog cefnogwyr i gefnogi’r ymgyrch ar y cae ac oddi arno, i dynnu sylw at bwysigrwydd rhoi gwaed, platennau a mêr esgyrn. Dim ond gan roddwyr gwirfoddol y gellir cael y cynnyrch achub bywyd hyn, ac mae eu hangen bob dydd i helpu cleifion, gan gynnwys y rheini sydd mewn damweiniau, sy’n cael trawsblaniadau organau, sy’n feichiog ac sydd â mathau penodol o ganser fel lewcemia.

Mae angen i Wasanaeth Gwaed Cymru gasglu 350 o roddion gwaed bob un dydd i gyflenwi 20 ysbyty gyda digon o waed i gleifion, i gefnogi triniaethau achub bywyd. Gyda thua 100,000 o roddion gwaed bob blwyddyn gan 70,000 o roddwyr gwirfoddolwyr, mae'r mudiad yn gobeithio y bydd ei bartneriaeth gyda Chymdeithas Bêl-droed Cymru yn cefnogi ei nod o gael 11,000 o roddwyr gwaed newydd i gofrestru yn 2023.

Ffŵl Ebrill!

Does dim pwyntiau bonws am dair gôl ond gallwch sgorio tair gôl eich hun drwy roi gwaed ac arbed hyd at 3 o fywydau.

Dyna pam rydym yn gweithio gyda Chymdeithas Bêl-droed Cymru, Genero Adran a Chynghreiriau JD Cymru i annog clybiau a chefnogwyr i roi gwaed.