Mae Gwasanaeth Gwaed Cymru wedi lansio ei strategaeth Ymchwil, Datblygu ac Arloesi (RD&I) newydd yn swyddogol, gan atgyfnerthu ei ymrwymiad i wella gofal iechyd, datblygu gwasanaethau gwaed a thrawsblaniadau, ac yn y pen draw wella bywydau rhoddwyr a chleifion ledled Cymru.
Mae’r strategaeth yn amlinellu sut y bydd Gwasanaeth Gwaed Cymru yn arwain ac yn darparu adnoddau ar gyfer gweithgareddau RD&I, gan sicrhau bod Cymru’n parhau i fod ar flaen y gad o ran ymchwil arloesol a gwelliannau gofal iechyd. Cenhadaeth allweddol y strategaeth yw gwella profiadau cleifion a rhoddwyr, nod sy'n parhau i fod yn ganolog i weledigaeth y sefydliad.
