Brechiad rhag y ffliw
Brechlyn ffliw - trwy bigiad
Dim effaith ar gymhwystra rhoi gwaed.
Brechlyn ffliw - trwy chwistrell drwynol
Mae’n rhaid i chi aros am bedair wythnos cyn rhoi gwaed.
Brechlyn/pigiad atgyfnerthu Covid-19
Ar ôl cael brechlyn neu bigiad atgyfnerthu Covid-19, gallwch roi gwaed ar unwaith.
Brechlynnau byw
Os ydych chi wedi cael brechlynnau byw e.e. brech yr ieir, eryr, brech goch yr Almaen, y frech goch, MMR a thwymyn melyn, ni fyddwch yn gallu rhoi gwaed am gyfnod o bedair wythnos.
Brechlynnau sydd ddim yn rhai byw
Mae angen i chi aros 7 diwrnod yn dilyn y rhan fwyaf o bigiadau atgyfnerthu arferol cyn teithio (oni bai am Hepatitis A, B, neu Enseffalitis Japaneaidd).
Bydd yn rhaid i chi aros 14 diwrnod ar ôl cael brechlyn ar gyfer Hepatitis A, Hepatitis B, ac Enseffalitis Japaneaidd.
Os ydych chi wedi cael brechlyn Hepatitis B am unrhyw reswm heblaw teithio, cysylltwch â ni.
Nid oes cyfnod gohirio ar ôl brechu gyda'r rhan fwyaf o frechlynnau anfyw e.e. Tetanws, HPV, Ffliw a Llid Meningococaidd yr Ymennydd.
